各位早晨，今朝起身有朋友通知我當事人出咗新post, 回應我上一個post.
我冇嘢想再補充了，只係想多謝大家展現香港人充滿理性，明事理講道理。
有兩點我注意到好多人講，(1)有關公開CCTV，我有個原則，客人私隱好重要，如非必須（例如法律需要）都唔會公開CCTV。 特別係呢件事我唔覺得CCTV幫到乜嘢手，因為關鍵都唔係CCTV，係分析力同邏輯。
(2) 有關嗰張會員卡, 根據會員使用條例寫明係禁止租借或者轉讓, 但係坦白講食餐飯啫, 如果真係佢朋友借俾佢，我都唔想特別處理，畢竟只係一張銀卡唔係必須實名制使用的金卡。 但係精明的網友居然發現佢所謂的朋友原來係carousell上面認識的, 直接d講就係租返嚟, 咁就真係要多謝佢幫我放蛇, 呢張卡會直接凍結/取消.
事情告一段落，請大家繼續開心用餐. 始終我嘅專業係賣賣牛肉，唔係賣花生。😂
前文: https://www.facebook.com/234282496595142/posts/4477364285620254/
Search